Job 12

Job

1 Tua ciangin Job in dawng a:

2 “No mihingte le pilna a sihkhawm ding
lunghei neih huai lo hi. ^a
3 Ahi zongin note aa zah lungsim ka nei hi;
note sangin ka niamzaw tuan kei hi.
Hihte khempeuh kuan thei lo ding sa na hi uh hiam? ^b
4 Ka lawmte in kei hong nuihsan zongin, ^c
Pasian ka ko a, ama’n hong dawng hi; ^d
thumaan le paubaang lo hi napi kimawk nuihsat lailai! ^e
5 Lunghimawhna a nei lo mite in a khe tala tukte tuah bangin ^f
tuahsiatna a nuihsan uh hi. ^g
6 Guta buluhte buk kinawngkaisak lo a, ^h
Pasian a hehsakte’ buk kibitsak hi- ⁱ
amaute in a pasiante uh a khutun ^{▼▼12.6 Ahikeh muanhuai / Pasian khut in amau a puakte} tawi uh hi.
7 “Ahi hangin gamsate dong un, amaute in hong hilh ding uh hi; ^k
ahikeh huihlak vasate dong un, amaute in hong gen ding uh hi. ^l
8 ahikeh leitung hopih un, tua in hong hilh ding hi;
ahikeh tuipi sunga ngasate kigensak un.
9 Hihte khempeuh in, TOPA khut in
hihte a sepsa ahilam a thei lo om ding ahi hiam? ^m
10 A nungta ganhing peuhmah nuntakna le ⁿ
mihing khempeuh naksuk naktohna ama khut sungah om hi. ^o
11 Leii in an a ciap bangin bil in
thu sittel hi lo ahi hiam?
12 Khanghamte lakah pilna kimu hi lo ahi hiam? ^p
Sawtpi nuntakna in hong theitelsak hi lo ahi hiam? ^q
13 “Pilna le vangliatna Pasian aa ahi hi; ^r
thukuppihna le theihtelna ama aa ahi hi. ^s
14 Ama phelkeksate kilam kik thei nawn lo a, ^t
thonga a khiatsa mipa kikhahkhia thei lo hi. ^u
15 Tui a khaktan ciangin guah haanga, ^v
tuate a khah ciangin leitung a tuamcip hi. ^w
16 Thahatna le gualzawhna ama aa hi a, ^x
a kikhemte le a khempa ama aa hikhawm hi. ^y
17 Thudotte hawkkhia-in pimanga, ^z
thukhente a haisak hi.
18 Amah in kumpite khihna kolkhau phelkhia a, ^aa
amau kawngah dialkaih ^{▼▼12.18 Ahikeh kumpite khe-sikkol / kawnggak khih} a tengsak hi. ^ac
19 Amah in siampite hawkkhia in pimanga,
a tengtulte a lawnthal hi. ^ad
20 Amah in thu kidong mi muanhuaite sipsak dide a,
upate thupilna a lakmangsak hi.
21 Amah in mi nampite mindaisak a,
a thahatte guallelsak hi.
22 Amah in khuamialna sunga thuthukte mukhia a, ^ae
niliap thukpi khuavak suaksak hi. ^af
23 Amah in minamte liansak a, amaute a susia hi; ^ag
minamte khangsaka amaute a thehthang hi. ^ah
24 Leitung makaite ngaihsut theihna lakkhiatsak a,
lampi omlohna gamlak ah vakvaisak hi. ^ai
25 Mei lo in khuamial zawt uh a, ^aj
zukham bangin a hoisak dawidawi hi. ^ak